一隻飛蛾搞冧Tesla個Autopilot系統？美國有個車主上周喺討論區係咁講，仲喺網上瘋狂熱傳。
車主話自己嗰日揸住架Model S，開咗Autopilot，時速行緊136米。司機位標板忽然閃晒紅燈，猛叫佢用人手控制番架車，跟手連雷達感應都冧埋！車主幾咁驚，即刻人手操控兼減速，見咁啱有個油站，駛入去停低，跳落車……企定定，又見冇爆炸，於是佢行埋啲，睇真啲就發覺有隻大飛蛾撞落架車，仲黐住咗個鬼面罩！原來被飛蛾襲擊，明晒！
仲未明？絲絲解你知。舊款嘅Model S共有十幾個雷達感應器，正面嗰個就裝喺架車個鬼面罩度。就係咁，雷達感應器被隻壯烈犧牲嘅飛蛾遮住，搞到失靈。
點收科？抹走隻蛾，或者換架新啲嘅Model，事關新款Model S個雷達感應器已經收埋唔再露出嚟。
余絲韻