5年三度換舵手
就好似農行（01288）董事長個位咁，已經懸空近三個月，近日先終於有番啲曙光，提名中銀監副主席周慕冰出任執行董事，成為未來董事長呼聲最高，好大機會係農行上市以來第四個主帥。
大型內銀董事長，一般由其他內銀主帥或監管機構副手調任，絲絲發現中銀監網站已經唔見咗周慕冰個名。如果單料係堅，今次已經係農行五年內第三度換帥。
農行過去嘅董事長依家都平步青雲，可以話從商業銀行修成正果，之後都能夠去監管機構或者行政省區「坐正」，分別係現任中保監主席項俊波、現任吉林省省長蔣超良、現任中證監主席劉士余。
余絲韻