投資前景唔理想就要調整策略，工作亦一樣，邊個話人到中年唔好轉工？輪王就話轉就轉嘞。記住以下3樣須知，四字頭轉工難唔到你，只怕你自己唔夠膽。
見工嗰陣，就算對方後生自己十年都唔好自亂陣腳。記住，「成熟」就係你嘅資產，所以要行「成熟」路線，Sell自己見過幾多世面、人脈有幾廣、知識有幾專門。仲有，40歲轉工嘅一定唔止你一個。
好多公司都會上網起應徵者底，人家對你嘅第一印象，未必要等到Interview。所以，記住要執番妥當fb啲嘢；最好喺啲以工作為重點嘅社交網站開番個Account，Update工作有關嘅事，Show下自己工作能力。
再Pro啲，直頭整個個人網站。唔使IT出身，網上大把平台有預設版面。邊啲？自己搵啦。
「軟技能」者，「Soft Skills」也，即是溝通技巧、團體合作呢類。年輕時就話鬥學歷鬥出身，社會上打滾咗咁多年嘅你，處事圓滑、團體合作點會難得到你。
余絲韻