絲絲講場：fb畀億二保住教主條命
據英國《每日郵報》報道，全球最大社交網絡facebook（fb）近日提交予美國監管當局嘅監管文件中，首次披露保護行政總裁朱克伯格（朱仔）及其家人嘅保安費用數據，顯示過去5年中為應對恐怖組織嘅「具體威脅」，fb花了1,600多萬美元（逾1.248億港元）。
16名保鏢輪流保護
為了保朱仔一家安全，fb喺一五年為其聘請保鏢和提供其他保護措施共花掉約500萬美元。此外，在朱仔位於三藩市富豪區Mission District價值1,000萬美元豪宅中安裝警報器也花費不菲。
朱仔現年31歲，身價高達470億美元，係全球第四大億萬富豪。佢共有16名保鏢，負責輪班保護他一家。去年，fb為保護桑德伯格共花費120萬美元。
朱仔人身安全真係有咁大威脅？喺今年年初，朱仔曾成為恐怖組織IS威脅視頻中嘅目標。視頻中出現朱仔嘅臉孔，仲有好多子彈窿。此外，Twitter行政總裁杜斯也出現在視頻中。
而與朱仔相比，一眾科技富豪嘅保安費用似乎有所不及了！好像Apple Inc.去年只花費20.9萬美元保護其行政總裁庫克嘅安全。甲骨文公司去年則花150萬美元加強行政總裁埃利森嘅住宅安全。亞馬遜花費160萬美元保護貝索斯安全等等。
余絲韻