Microsoft（微軟）斥巨資研究嘅DNA存儲技術（DNA Storage）將會有新突破，據聞該技術可將訊息保存一千到一萬年。咁咪即係你或者絲絲都可以好豪氣咁講：「如果非要給這份愛加上一個期限，我希望係一萬年！」
微軟剛剛宣布，佢哋從一家三藩市嘅生物科技公司購買了1,000萬個DNA低聚核苷酸分子（Oligonucleotide Molecules）。以探索使用DNA分子來存儲數據嘅方法。而呢種存儲技術可以超過當前任何一種存儲技術，例如硬碟、藍光光碟都要好得多，因為DNA上面嘅訊息能夠保存一千到一萬年。
照微軟研究院估計，一個立方毫米嘅DNA能夠存儲一個Exabyte（十億字節）嘅數據。如果這一想法能夠被實現，那麼就意味着智能手機能夠儲存更多照片、視頻、文本以及音頻。
微軟研究院科研人員仲話，由於當前對嘅數字數據需求正在成倍咁擴張，因此需要尋求更加長期且安全嘅數據存儲方式。目前，呢項技術才剛剛起步，所以消費者並不會在短時間內看到DNA智能手機。但微軟話，呢項技術能夠實現嘅可能性好大。
微軟為了呢項DNA存儲技術研究，據講已經投資咗1.31億美元（約10.2億港元）經費，其中資金部分自然來自老闆蓋茨嘅Bill and Melinda基金會啦。
余絲韻