絲絲講場：日本威士忌救番農業？

一支一九六○年釀造嘅輕井澤，舊年八月喺香港以破紀錄近92萬港元成交，就知日本威士忌今時今日有幾Hit。向來好少出口嘅日本威士忌，舊年海外銷售額創下7.4億港元新高，日本人自己都O晒嘴，仲吸引咗好多當地米農改種大麥。

好似有位埼玉縣米農坪內先生，原本開餐廳，5年前開始種米，偏偏撞正日本人口萎縮，少咗人食米，相反日本威士忌就大受歡迎到幾乎成國威。坪內San索性開始種大麥，賣畀當地嘅威士忌生產商，仲話好開心日本農業有再生機會。

拜託佢哋千祈唔好搞搞吓連米都唔種，日本米先係絲絲至愛！老威？絲絲向來Scotch Only。

余絲韻