「做社交媒體廣告公司，就係要夠Chok！」Bernie整個人總流露一股Chok味，Bernie坦言：「廣告Chok就可塑造品牌形象。有啲品牌要Chok得型啲，有啲要Chok得親民啲！客人個個要求都唔同。」
Bernie又指，所有同事包括自己，都要夠潮！「做社交媒體，自己就要享受活喺社交媒體入面嘅世界！如果唔係，要為工作而被迫追趕新資訊、緊貼新潮流，就會好痛苦。」他跟同事們每天都會慣性地閱讀大量美國論壇的報道及小道新聞。
Bernie續稱，「做社交媒體廣告，要日日新鮮。今日爆嘅嘢，聽日可能已過氣，要知年輕人玩Snapchat玩得幾開心至得！」所以他當兼職教師，除傳授專業知識及經驗給下一代外，也能從學生身上認識最新潮流。
他憶述半年前，他們留意到facebook創辦人朱克伯格在一個論壇的講話，認為他暗示不會推Dislike按鈕，便猜facebook可能會出其他新按鈕，「嗰時我哋已經度定橋，當facebook喺美國一話推各款新Reaction按鈕之際，我哋就即刻食住個勢，幫客戶紙巾製造商推新Post，改一改佢原本『點都傍住你』嘅廣告宣傳句，轉做『Like你、Love你、傍住你』！」。