絲絲講場：神級代理授你8招Sell樓

1 先做定功課

定價前，先比較同區類似盤「市價」。

2 知「市價」係乜

係指最近成交價，唔係其他人嘅放盤價。

3 Set低放盤價

比市價Set低5%，目的係吸引買家埋嚟睇。唔好諗住Set高個價、預等人劈，咁會令買家連睇都費事，只會趕客。

4 先吸客後傾價

記住，個放盤價擺出嚟，唔等於真係要賣呢個價，先吸引買家埋嚟，再慢慢傾。

5 開高價睇時機

樓市熾熱（即是當好多人搵樓、盤又唔夠、交投量又高時），預咗樓價會升，你可以將放盤價Set高過市價些少（記住，市價者，講緊係最新成交價）。

6 唔好亂博大霧

見市熱，亂開個超高放盤價，希望有買家唔覺意傻咗宗埋嚟？咁諗，傻嗰個係你，神級Agent經驗所得，咁樣通常個盤會冇人吼，結果要收番。

7 毋須樓比樓

同區有盤坐向、樓層、大細差不多，見人哋賣得到500萬成交，你又諗住放咁上下價？記住收真啲風，人哋賣時喺咪連額外嘢賣（好似裝修、連租約之類）。

8 「寶」可能當「草」

你當初買層樓番嚟，雖然明知背後條車路有啲嘈，但你硬是鍾意個廚房，所以唔介意畀貴少少買。諗住會有買家同你一樣咁諗？會為咁樣而畀高少少價？咪傻啦。仲有，你自己好鍾意嘅開放式廚房、80萬豪裝、宮廷式牆紙，未必人人啱。

答案

右：Drew

左：Jonathan

余絲韻