做得銀行個客戶經理（RM），尤其係私銀級別，大至財富管理、小至旅行Book位，樣樣湊客湊到足。但原來佢哋連阿客個「殼」都要照顧埋！
星展香港豐盛私人客戶主管謝瑞明（Nelly）話，佢哋會為高端客舉辦品酒或藝術相關活動，亦會搞唔同Function講吓資產配置同遺產規劃等，就連阿客嘅個人化需求，佢哋都要盡力搞掂。
有幾個人化？買個「殼」咁囉。此殼不同彼殼，Nelly話，曾有客想公司喺香港上市，向佢哋提出要求，佢哋即刻做聯絡人為阿客張羅一番。結果係咪成功買到個「殼」？Nelly冇講。不過出心出力成咁，阿客實收貨啦。
余絲韻