超級電腦除咗捉棋，仲可以炒股炒匯做選股神器。依家講選股神器，就一定要講Big data（大數據）。
Amareos話人仔最淡
其實網上有好多數據可以預測到股價、外匯嘅走勢，短短一分鐘已經有近28萬人次瀏覽facebook，10萬條Twitter新訊息，數以萬計新聞與專業金融報告。香港FinTech公司Amareos就諗到，分析呢啲資訊就可以掌握市場嘅氣氛，有助判斷價格走勢。
咁依家乜幣最淡？根據Amareos以新聞同社交網站資訊分析嚟睇，人民幣嘅市場氣氛最負面，第二差係韓圜。話時話，人仔嘅（火羅）味，唔使等超級電腦出場，係人都聞到。
余絲韻