絲絲講場：難分真與假瑞郎多險詐

5蚊假硬幣曾飆十倍

5瑞郎硬幣現時幾乎係全世界面值最高嘅硬幣（點解話「幾乎」？匯率時刻在變的嘛），依家一個等於大概40港元。

市面發現送去銷毀嘅「偽‧5瑞郎硬幣」以前每年唔夠一千個，點知一四年忽然多咗10倍幾去到萬四個，到舊年都仲有7,600個。現時每一千個5瑞郎就有1個係假幣，佔0.1%，比率點都少過1英鎊假幣（2.6%），事關瑞士嘢做工精細、難啲假冒。

嗰啲挑戰難度嘅壞人係乜人？聽講來自美藝工匠技術出晒名嘅國家，就係意大利。

余絲韻