絲絲講場：最穩陣10商銀中港無份

加拿大獨領風騷

不過唔使驚，計番資本比率各樣指標，港銀其實好穩陣，合乎國際標準得嚟兼有金管局睇實，仲加埋存款保障，小存戶唔使擔心。

呢個排名由美國《全球金融雜誌》做嘅，比較咗全球多間商業銀行嘅評級。

10間至穩陣商業銀行中，除咗星展銀行（第2名）、華僑銀行（第3名）同大華銀行（第4名），大家比較熟悉之外，其他大部分係澳洲同加拿大銀行。至威威就係加拿大多倫多道明銀行，成為10大穩陣之首。

香港銀行至叻叻就係恒生（00011），排第17名；香港人好有親切感嘅HSBC同渣打，都見到嘅，HSBC排第39，渣打就第42；至於中國嘅銀行就……唔知呢？

話時話，好多排名嘅嘢，因為唔同計法，結果有好大分別，實際邊個可信啲，絲絲自問搞唔清。但銀行多樣嘢威吓，點都值得開心。

斷估，唔會有人衝動到因為咁而轉銀行啩。

余絲韻