理財Campus：Tesla推新車趁勢買股？

運輸署放行半自駕系統

Tesla一改常態，將Model 3的售價定得更貼近大眾用家，若計及香港稅務優惠，大約27萬元便可。而Tesla去年推出Autopilot半自動駕駛系統，惟因香港運輸署指功能的危險性未被確認而被迫撤下。昨日運輸署終批准自動行車線轉換及自動方向引導輔助駕駛兩功能，但仍受限制，包括須在設有中央分隔欄的道路、車速限制為每小時70公里或以上的道路使用，同時車輛須向司機展示適當的警示訊息。

陸東：未賺錢宜觀望

星級分析員陸東去年購入約70萬的Tesla Model S，一試便愛上。「我主要有三大因素決定改用電動車，第一、環保；第二、唔抵得石油公司壟斷，油價跌，但零售油價無大減；第三、Tesla價錢相宜。從舒適度、汽車性能、環保等多方面都唔錯。」

Tesla五年股價飆8.5倍	晉裕環球 黃耀宗	星級分析員 陸東

陸東是Tesla的用家，但從價值投資角度而言，電動車股份未夠資格列入他的心水名單。「電動車股份好似Tesla和比亞迪（01211），兩間都有好多『夢想』因素在內，佢哋賣嘅係concept。雖然我buy呢啲concept，全世界都行緊呢條路，但唔代表佢哋會賺好多錢。」他指，以投資者身份來說，宜靜觀其變。

他稱，「我會留意佢嘅銷售情況，睇收入及利潤率，呢一刻Tesla仲蝕緊錢，明顯係買緊市佔率。」Tesla自二○一○年上市至今未錄盈利，去年全年累計虧損達8.89億美元，較一四年全年的2.94億美元淨虧損多達兩倍。惟公司年初預喜，料今年銷售額升60至80%，更指第四季有望轉虧為盈，期望首錄經調整後盈利。

據市場綜合券商預測，23間大行分析員中，近四成半予Tesla股份「買入」評級，三成為「持有」，兩成半為「賣出」，十二個月平均目標價為240.13美元，較現價高近10%。

晉裕環球投資研究部投資策略師黃耀宗稱，電動車是全球發展大趨勢，去年195個國家於巴黎氣候大會達成減排協議，對電動車的需求有增無減。

黃耀宗說，「Tesla電動車性價比高，加上創辦人馬斯克係電動車界嘅王者，具前瞻性嘅諗法，唔可以用估值去評估股價係平定貴，投資者對公司具信心，令股價偏離估值。」

五年股價上望400美元

沽空機構Citron Research月初瞄準Tesla為狙擊目標，料未來數月供求及付運出問題，股價年底前或跌至100美元，較周二收市價218.34美元低54%。一旦Citron Research預測成真，是否提供一個吸納機會？

黃耀宗指，Tesla股價未跌穿140美元的話，在未來五年飆至400美元亦不奇，建議投資者待股價回落至170美元吸納。他認為，電動車前景可觀，一旦公司的叉電速度及電池行車距離有突破，便能在電動車界突圍。