絲絲講場：成功9特徵你有冇？

1.份人抵得諗

一支團隊之所以能強大，多數係因隊中有能幹者抵得諗。自問一句「肯唔肯自己蝕底些少，成全大家成功一齊開心？」成功人士嘅答案係「肯」。

2.不停試新嘢

尋求新奇令人健康啲，開心啲，兼有助個人成長。會好奇、肯冒險，會更有創意。多數成功人士係不斷諗將來同試新嘢。

3.唔講Work-Life Balance

因為工作、家庭、朋友、興趣，全部都係生活一部分，不能分割。成功人士會搵方法將呢啲嘢全部聯繫一起，成為整個生活。

4.超凡同理心

成功企業家或領導者係會企喺下屬角度去諗。無論幾成功，總需要下屬推動。

5.向自己問責

好多人做嘢係為咗證明他人錯，但成功人士係向自己證明自己。

6.唔計較付出

每日做多個8小時令生產力下降？成功人士唔會咁諗，反而想個天畀多啲時間，可以做得多過對手。

7.金錢＝責任

唔會將金錢齋視為個人獎勵，反而會將錢視為搞好盤生意、獎勵與培訓員工、回饋社會嘅工具。換言之，唔只改善自己生活，亦改善他人生活。

8.唔覺自己叻

唔會晒自己有幾叻，佢哋認為成功係因為有「伯樂」、能幹員工、同幸運。佢哋會謙虛同感恩。

9.最緊要尊重

成功只係剎那，尊嚴與尊重先係永久持續，所以成功人士會善待及尊重每一個人，無論係僱員、下屬、顧客、或朋友。

余絲韻