金融圈請人，面試時出刁鑽問題已經唔係新嘢，最新嘅係請應徵者食早餐。
呢招請人秘技，係嘉信理財CEO Walt Bettinger自爆，重點係佢會事先交代餐廳經理，要專登幫應徵者落錯單！
點解？Bettinger話可以睇到應徵者面對逆境反應。躁住？火到癲？體諒人家？重點係要睇個心點，唔係睇幾醒。
對住「上錯菜」都「零反應」當無嘢發生，諗住咁最安全？咁就中硬伏。「零反應」代表冇膽、唔夠細心，緊張到連「上錯菜」都唔知、見到錯都唔敢直指。咁，你估人家仲敢唔敢請呢可。
至面試問題，Bettinger話兩條就夠：一、佢人生中最成功係咩？可以睇到應徵者覺得個世界係圍住自己定其他人轉；二、佢人生最失敗係咩？可以睇到應徵者做人有冇承擔，定會歸咎他人。
計絲絲話，呢招何止請人啱使，約會、相睇、甚至見家長都一樣Work喎！
余絲韻