絲絲講場：巨富六大福相

外國網站分析咗一九九六年至二○一五年全球頂級千幾位富豪個人資料數據，發現呢啲億萬富豪最多生於水瓶座！你唔中？唔緊要，仲有絲絲陪你。頂級富豪六大特質，除咗星座，仲有五樣，睇睇自己有冇富豪相。

1.水瓶座最疊水

12.5%頂級富豪喺一月二十日至二月十九日出世，即係水瓶座。人辦有四叔李兆基、墨西哥電訊斯利姆（Carlos Slim，唔識佢？舊年全球第二有錢嗰位）、對沖基金經理艾肯（即是專咬住Apple唔放嗰位維權股東，佢舊年身家爭啲就拍住四叔），及京東創辦人劉強東（即是奶茶妹妹位老公，內地舊年第九個至有錢）。最燶又係乜星座？為免大家太傷心，都係自己睇下面個表吧。

乜嘢星座出最多富豪？(最燶又係乜星座？)	做得富豪通常生幾多個？	富豪當中八成八結咗婚

2.77%讀完大學

雖然強如軟微創辦人蓋茨或英國維珍創辦人布蘭森大學都未讀完，但原來億萬富豪中有77%，至低限度讀完大學，大部分都係學士程度（47%），去到博士就得番6%！唔通愈讀得書愈窮？

3.結婚組織家庭

例如Facebook創辦人朱克伯格雖然係80後，相對叫做年輕，但亦結咗婚生埋B。

4.通常生夠四個

呢班億萬富豪只有21%無子女。佢哋通常生幾多個？生4個最普遍，佔25%；生5個或以上亦唔少，有17%。會唔會係有錢所以可以生多啲？又係個有雞先定蛋先嘅問題。

5.唔流行戴眼鏡

舊年計，僅41%頂級富豪係戴眼鏡。

6.多無禿頭煩惱

舊年計，班億萬富豪當中僅21%係禿頭，全部係男性。冇得再講「十個光頭九個富」，少咗個自我安慰？Sorry囉。

余絲韻