瑞士舊年底1,000瑞郎紙幣嘅流通量達到452億瑞郎，由一四年十一月計起（即當地實施負利率前一個月）勁升17%。大紙多人揸，皆因個個怕存款畀負利率蠶食，銀紙寧願放枕頭底好過擺銀行，要揸就梗係揸大紙方便啲啦！
瑞士、丹麥、瑞典、歐元區同日本先後實施負利率，雖然暫時只係商業銀行，但難保有日搞到存戶，唔少存戶因為咁改揸現金，結果反而削弱咗負利率推動經濟嘅成效。
余絲韻