絲絲講場：投資要有「盈」睇你咩血型？
投資行為同戀愛一樣，邊有咁理性，所以股市先會有「丁蟹效應」、「一月效應」、「星期一效應」乜乜乜。呢排個市咁，見心慌慌嗎？掟貨定趁低吸納，可能關你咩血型事。
易方資本投資總監王華（Fred）有研究開行為金融學，佢話唔同血型嘅投資者，面對市場動盪嘅反應好大差別。
唔同血型會偏向聚集喺唔同族群。Fred話，以佢所見嘅長倉基金經理中，O型同A型比例好高；至於對沖基金經理中，就O型同B型居多。不過佢講明，血型同投資能力強弱無關，大家各有所長咁話。咁絲絲又係乜嘢型？絲絲係冷血嘅，乜冇話你知咩？
余絲韻