平盤倍增大戶估樓價再跌15%

向來活躍於細價樓市場，買另類單位都賺的投資者陳應佳表示，「依家都要睇定啲先」，現時經濟環境不佳，部分行業凍薪，估計樓價至少會再跌15%，現時買平價樓，日後樓價都可能再跌。他指出，早前以330萬元沽出的一個單幢樓單位，據知現時市值已再跌10%。

吳龍飛：冧兩成才入貨

同樣有投資細價樓及另類單位的投資者伍冠流亦指出，現時不會考慮入市，雖然現時買300萬元以下放盤感覺「好抵」，但未來再跌就「唔抵」，現在是當頭跌，樓價至少會再跌10%。

部分300萬元以下放盤	業界點睇細價樓後市	市民及代理睇樓市

近期頻頻沽貨的「摸王」黎汝遠認為，現時入貨成本太高，租金同時回落，回報率因而下跌，加上買樓令資金不夠靈活，故仍選擇揸現金，不會考慮入市。

提出細價樓爆煲論的紀惠集團行政總裁湯文亮稱，樓價上半年急跌後就會平穩，因銀主劈價盤集中在上半年出貨，若有300萬元以下放盤，有廳有房、不是開放式的，可考慮入市，但那些放盤始終不會太多，如果開放式戶千萬不要買，日後很難轉售。

「八十後」投資者吳龍飛表示，如果樓價較高位跌20%會入貨，近期留意到新界細價樓已開始跌價，如青山公路豪景花園有單位樓價跌約百萬元，至270萬元，而個別屯門單幢樓更跌至約200萬元價位，現時有「價鋤」，是入市時機，以免利淡因素消失後，難取得較大議幅。

300萬樓下盤百七個

事實上，近期300萬元或以下私樓放盤增加，市場目前至少有近170個同類放盤，當中屯門佔最多約141個，祥益表示，去年八月時該類平價盤跌至僅約67個，截至今年二月中盤源已較低位急升逾1倍。當中不乏屋苑式住宅，屯門現至少4個屋苑式有300萬元或以下放盤，如豐景園及凱德花園均有20個此類細價放盤，其中凱德花園低層實用面積325方呎放盤，現叫價258萬元起。

該行指出，屯門時代廣場等位處市中心屋苑，亦湧現300萬或以下放盤，現時至少有10個同類放盤，包括一個中層實用面積272方呎放盤，現叫價約275萬元。

元朗同昌樓叫價280萬

一年前「三球」以下放盤曾絕迹的元朗區，近月此類放盤重現。中原李永洪稱，近半個月開始，區內多了8至10個300萬元或以下放盤，如同昌樓實用面積356方呎單位，叫價約280萬元，實用呎價約7,865元。同區好順意大廈低層戶，實用面積260方呎，連租約叫價290萬元。據了解，同類單位成交價曾近320萬元。

理工大學建築及房地產學系教授許智文稱，二手樓價跌勢已成，尤其是早前超升的細單位，料該類單位跌幅仍是最明顯，樓價料因應買家供樓負擔能力而調整，今年樓價料跌10%。