周二晚華爾街受國際油價急挫氣氛影響，三大指數大幅回落，打窒了港股反彈勢頭，昨日期指裂口開低442點，以19,000點開出後，淡友隨即展開攻勢，殺到18,733點至收手，在連跌三日，加上短期信號已嚴重超賣，十點後跌勢喘定方見零星冚倉活動，但怯於形勢的好友，明顯是不願積極進攻。
期指昨日最高見19,029點，最後一小時交易時段上落幅度有限，最終日市以18,978點報收，低水13點，成交11.8萬張。國期收7,852點，低水6點。昨裂口開低於止蝕價，真係有胡唔食罪大惡極，手上四分一注好倉由贏變輸，指數彈一日跌三日，昨日跌市主板成交反而增至786億元。
仲有兩日到春節長假，財不入急門，未脫離有反彈無大升市況，要博反彈難，要敢在現水平加入空軍更難上加難。留意美股，今浪道指由15,450點反彈，高位16,510點出現十字星後轉勢信號，過夜要變相賭美股無謂，一於提早收爐。
John Mullen