港交所（00388）行政總裁李小加係足球發燒友，難怪尋日佢喺網誌引用周星馳電影《少林足球》嘅經典對白「做人如果沒有夢想，跟鹹魚又有甚麼分別呢？」來回應外界話港交所三年戰略規劃列出嘅目標，同「夢想清單」無乜分別。
港交所個戰略規劃主題係三個「通」字，即「股票通」、「商品通」及「貨幣通」。港人一向鍾意炒股，對貨幣與商品興趣冇咁深。小加總裁要解釋呢啲咁宏大嘅目標，惟有講吓鹹魚嚟「貼地」啲，引起大家興趣。
小加係咪星爺Fans？絲絲唔知呢。但小加的確非常鍾意呢句對白，因為佢本人鍾意食鹹魚，但唔想做鹹魚！
余絲韻