湯文亮就話，呢本書其實係回顧與展望。上年佢發表「細價樓爆煲論」，仲以寡敵眾向堅持樓市只升不跌嘅人挑機，呢段咁深刻嘅心路歷程，梗係要回顧吓。
叫用家趁機買樓
湯文亮本新作亦會預測今年樓市走勢。照佢睇，超級豪宅樓價不跌反升；相反，一般豪宅就會跌勢明顯。咁細價樓呢？佢話嚟緊會一路跌，不過跌勢會較平穩，全年估計跌15%左右。
咁「危中有機」又係咩？湯話，「危」當然係指「細價樓爆煲」；但爆煲後、樓價跌，就係入市時「機」，買樓自住嘅可以趁機執平貨。
咁投資呢？佢話，投資嘅，暫時唔好喇，起碼等到年尾先。
余絲韻