絲絲講場：撞得板多自然識Social
近排呢度又話裁員、嗰度又話摺舖，個個咁大壓力，啲職場賤精仲唔走晒出嚟？殊不知，合眾人事顧問董事總經理蘇偉忠話，經濟唔好，反而令人專心工作，因為「搞嘢又做唔到嘢嘅，裁都裁佢先！」
蘇偉忠話呢啲職場問題度度都有，若覺畀人針對，要先睇吓自己有冇錯，「問吓同事、上司，睇吓佢係咪對個個都咁」。若然其他人唔覺佢有問題，咁問題可能就喺自己身上。
又如果真係針對你，你一係專心工作唔好理佢。再唔係？「真係恰到上門接受唔到，就揀離職」。一句講晒，年輕人出嚟做嘢唔好太理想化，同人相處嘅嘢「書都讀唔到，撞多幾次板就有經驗」。
余絲韻