絲絲講場：周鴻禕瞓醒世界變
喺浙江烏鎮舉行嘅世界互聯網大會昨進入最後一天會議，是日重要講題「萬物互聯驅動產業變革」，奇虎360董事長兼CEO周鴻禕負責發表主題演講。而周總發言一開始，就先對自己早前喺會場瞓着覺道個歉先，他笑言：「一覺醒來，世界就變了。」
坐雷軍隔籬斷正
之不過，周總瞓着覺時被人影咗沙龍之外，相片中還有驚人發現，就係坐喺佢隔籬嗰位嘉賓，赫然就係近日同佢經常因為手機性能及銷售手法，隔空互罵嘅小米董事長雷軍。於是乎，有內媒記者就即時推測周總會唔會因為雷軍坐正隔籬，費時大家尷尬，惟有即時扮瞓覺咁話。
實情係唔係咁，就真係要兩位大佬先至心知肚明囉！而周總喺自己微博上亦發言，真係一覺醒來，唔知點解佢瞓着覺呢張相會傳遍整個朋友圈！
余絲韻