環保金融股受惠國策

林樵基表示，中國處於轉型嘅階段，只要中央政策配合，有啲行業嘅增長可以非常高；見到整體經濟放緩，又唔等於咩都唔投資嘅，而係要揀啱可以跑出嘅行業，從中睇吓有咩好公司。

林樵基依家就比較睇好環保同金融板塊，他認為風電、太陽能等環保企業受國策支持，係中國嘅主打行業，而銀行、保險同證券呢啲金融企業則會好受惠中央開放金融業嘅方向。他以人民幣加入SDR為例，隨着各國央行希望增加人民幣儲備，人民幣債券數量必會上升，單係呢樣嘢就有好多金融機構受惠。不過佢提醒，依家中國經濟唔好，買股最好買國企，因為民企隨時畀人走數，而中央推動政策嘅措施唔會咁快見效，投資年期要預係中長線。

中產崛起 吼消費品牌

Jeffrey Kleintop就話中國中產階層冒起會帶來好多投資機會，當中尤其睇好一啲國際消費品牌如Nike（NKE）、可口可樂等可以受惠。佢又話，港股依家只有9倍幾市盈率，喺歷史平均水平之下，中長線都買得過（口架）。