北水頭等倉：海信科龍積弱有因

不過，筆者始終相信，查出任何問題，都只是高管獨立問題，反正間公司唔會因此而關門大吉，整頓過後又可以在國策護蔭下成長。

受A股跌市拖累，上周五恒指險守22,000點關收市，券商股全軍盡墨。跌市恐慌升溫，見到午後指數跌幅隨A股擴大時，不少近期熱炒的二、三線股都急回，畢竟唔知周末及周日會發生咩事，賺蝕都好，沽貨離場等假後再算，係穩陣的做法。

十二月風高浪急

最近熱炒的恒大健康（00708），上周五午後一度插到落1.88元，收報2.37元，跌幅由逾兩成收窄至6%，真係少啲心血都唔掂！近期股價不斷破頂的天能動力（00819）亦一度回試6元邊支持，收報6.15元，跌6.96%。

總而言之，踏入十二月，全球股市波動會明顯擴大，有心理準備金魚缸現風高浪急場面，最好都係行埋一邊等睇戲，至少等月中息口走勢明朗化，再作部署為宜。

上周五逆市高收的海信科龍（00921）曾高見3.96元，升2.4%，報3.82元，成交增至1,466萬元。走勢圖顯示，科龍正處接近52周低位3.62元水平，上周五試圖突破50日線阻力位4元關，可惜市況唔就。不過，呢浪反彈必須重上50日線始可確認轉穩，否則後市仍有穿底的可能性。

基本因素方面，今年第三季蝕四千多萬元人民幣，扣除非經常性收益之虧損為六千多萬元人民幣；首三季度純利則為4.6億元，按年倒退35%，可見績差是股價積弱的底因。

家電股中，還是以分銷與物流網絡覆蓋率高以及品牌優勢較強的海爾電器（01169）為首選。

司慕渢