絲絲講場：永隆視像櫃員機一條龍服務
提款仲講ATM機？好快Out，嚟緊係VTM（視像櫃員機）嘅世界，不論大客細客都有真人即時視像招呼。
永隆銀行助理總經理鍾少權（Derek）預告，永隆年底旺角分行就有，每部成本唔超過60萬元，初期可以現金提存、戶口服務同兌換都得，遲啲打算包埋貸款同按揭等服務。絲絲聽講唔止永隆，呢排陸續仲有幾間銀行都推VTM，到時銀行又要隔住個「芒」鬥服務。
銀行愈來愈High-Tech，永隆唔止搞VTM，中區分行翻新咗，有Touch Screen桌面電腦設備幫客做財務分析，仲連即時抽獎都做埋，仲有展覽廳展出術數大師蔡伯勵珍藏通勝典籍。
余絲韻