絲絲講場：買外國樓神秘到唔信
專門代理海外物業嘅泛亞環球物業顧問（AP Assets）區域銷售董事鄭偉文（Wellman）話，有啲客人買海外樓，講明唔可以畀老婆仔女知。
物業代理變「特工」
Wellman話，首先就係叫Agent唔可以打屋企電話，樓書、樓契任何嘢都唔可以寄去屋企，啲客仔會租個信箱收信。
有位老人家大客，已經幫襯佢哋買咗6、7個物業，佢為咗唔畀仔女知佢嘅財產，極嚴厲咁叫Banker唔可以寄銀行月結單去佢屋企。老人家不單止唔留地址電話，直頭連手提電話號碼都唔留。咁點搵佢？答案係要打Call台，佢會搵個神秘電話覆返Agent，然後會約Agent去特定地方見，次次見面嘅地區都唔同，等你唔知佢住邊區。
余絲韻