絲絲講場：金管「名車」食「神沙」揚威

金管局舊年推出嘅流動「收銀車」至今收集咗1.1億枚「神沙」，呢條橋唔單止香港市民Buy，連世界貨幣業組織都Buy！上星期馬德里舉行嘅年度「硬幣會議」入面，「神沙車」獲國際貨幣事務協會（IACA）頒發「最佳貨幣創意」大獎，揚威國際。

講起IACA，睇嚟入圍佢個獎項提名嘅作品，身價都會「升價」，好似一三年中行成立百周年喺澳門發行嘅荷花紀念鈔咁，據聞當年入圍咗最佳新紙幣提名之後，炒價兩日內暴漲咗三成。唔知「神沙車」又可以點升法呢。

余絲韻