佢哋都話戲入面有啲係作出嚟，根本無發生過，但又話唔逼真都唔緊要，事關戲係用嚟娛樂觀眾咁話。
劇中講到，喬布斯每款新產品發布前都同嗰六個人爭拗40分鐘，編劇Aaron Sorkin自己都認呢段係老作，只係想帶出喬布斯同人衝突，仲話呢套唔係紀錄片。
兩周票房僅約二千萬
話時話，教主夫人（講緊嘅當然係喬布斯太，現任教主庫克大概唔會有太太）之前都出過手想阻套戲出世，夫人親自打畀里奧勒度狄卡比奧同基斯頓比爾，叫佢哋唔好演，最後先由米高法斯賓達接手。
套戲收唔收得？美加上映兩周票房只係大概2,115萬港元。你都好想睇？等出年一月中呀。
余絲韻