想推高GDP（本地生產總值）未必只得放水一招，靠男女平權一樣得。
顧問公司麥肯錫早排出報告話，女人雖然佔全球人口一半，但只係佔咗37%嘅GDP。點解？因為男女唔平權囉，好多女人連參與經濟活動機會都冇囉。
有數計，如果做到男女全面平權，10年內全球GDP可以推高26%咁多，即是大概多咗28萬億美元，等於依家中、美兩個經濟體加埋。
點做先得？麥肯錫話要學吓呢啲企業：好似Wal-Mart（沃爾瑪）就搞咗個計劃，搵供應商時，專揀女性創辦或女老闆話事嘅公司；H&M好多衫都喺孟加拉生產，佢哋就喺當地搞教育項目；跨國電訊公司Vodafone就算政府冇規定，佢哋都全球實行16個星期有薪產假。
男女平權對推動經濟，勁過央行放水，全世界有So，何樂而不為？
余絲韻