絲絲尋日出席以色列FinTech（金融科技）論壇，場內十間來自以色列公司，有七間提供數碼保安、網上保安服務，香港買家都話「以色列啲保安真係堅」。
軍人出身 發展高科技
喺論壇參展、研發藍芽通訊嘅Wisesec代表話，公司有25個人，除咗佢，其餘24位都係工程師，大部分之前都係行軍嘅，好處當然係大家一Team人做事嚴謹，唔好處係CEO之前都係從軍嘅，有咩事要討論嘅話就……老細係軍人出身，聽到個心都離一離。
其實以色列人口唔多，得八百幾萬人，由於身處地區長年烽煙四起，軍事競賽一定唔少得，喺政府大力支持下，過去十年高科技產業角色舉足輕重，當地軟件開發同通訊都係世界頂尖，亦經常被譽為硅谷。
余絲韻