期指觀瀾：23350點定好倉去留

中國第三季GDP增長6.9%，稍高過預期，全年保七危危乎，但股市押注未來而唔係睇舊數據，中港股市就憧憬人行進一步減息降準。

恒指昨日即市波幅不大，即市見過22,913點，稍低於上周五的22,953點低位，已見支持並逐漸在尾市收復失地，低位買盤承接力不俗，最後倒升8點收23,075點，日線圖上貼近保力加通道頂23,429點的一方發展，未有迹象要先回試中軸，中期見底，上落區逐漸上移的形勢未改。

期指日市收23,041點，成交8.5萬張，而即月未平倉數字僅餘8.7萬，期指大戶不似為十月餘下時間作食大茶飯的部署。走勢上，期指一連兩個交易日集中在22,900至23,100點的區域上落，高位整固姿態，國指及國期又相對硬淨，十五分鐘圖上，貼近保力加通道阻力收市。