股神巴菲特今年85歲，早兩日喺一個美國雜誌社舉辦嘅峰會上話，如果唔畀佢返工，佢會癲咁話。
原來唔關錢事，佢純粹唔想唔做嘢，佢話見到好多人退咗休，就連剪個髮都Plan成個禮拜，要佢好似人哋咁悠閒，佢話咪搞。
佢話自己依家每日不知幾開心咁跳住返Office，幾咁鍾意投資。又話就算依家手腳冇咁靈活、冇咁有體力，一啲都影響唔到佢揀股嘅能力，所以佢絕對冇打算退休。係喎，好多嘢其實係睇用腦同睇經驗。
股神仲叫啲年輕人，揀工時要本住一個原則，即係就算唔係為咗份糧，都仲想做嘅工作你先好揀。簡單一句，就係做自己鍾意做嘅嘢。絲絲都好想。
余絲韻