絲絲講場：新股上市預埋狼人玩派對
萬聖節都未到，狼人出嚟好似早咗啲喎。尋日收到呢件中國派對文化（01532）嘅出品，拆開時，絲絲個心都真係離一離。隻狼有乜寓意呢可。佢哋定價好狼咩？唔係吖，每股1蚊，仲低過中間價少少添。唔通係寓意明日股價會升得好狼？唔知呢。
商業紀念品耗盡心思
尋日，絲絲仲收份「中國風情」，係內地最大資產管理公司中國華融資產管理（02799）招股路演紀念品──中國風情大紅色禮盒一個，入面有大紅Charger同USB等。而大新銀行推稅貸優惠，客人可用信用卡里數坐ANA航空飛日本，記者會就送架飛機仔。
送咁多紀念品，明顯生意難做；呢啲大纜扯唔埋嘅嘢，要搲爆頭諗計寫埋一齊，絲絲一樣搵食艱難。
余絲韻