絲絲講場：馬斯克寸Apple挖角專收垃圾
有聲氣Apple研發電動車，電動車龍頭Tesla（特斯拉）最近不斷有工程師過檔去Apple搵食。Tesla舵手馬斯克完全唔放在眼內，接受德國報章訪問時，仲話Apple專收容Tesla炒出嚟嗰啲工程師，仲話公司私下笑Apple係「Tesla Graveyard」喎。
Tesla墳場？即係乜？粗鄙啲講，即係Tesla嘅垃圾桶囉。馬斯克話，如果喺Tesla撈唔掂，去Apple吖，唔係講笑咁話。
咦，絲絲記得舊年馬斯克提過吓同Apple有啲收購嘢傾緊，家陣好似乜都冇發生過咁。
咦咦，絲絲又記得，五月嗰陣有人提到Apple想搞埋車，馬斯克仲話「Apple參戰正呀」，同時又話無Tesla工程師跳槽去Apple喎。
明嘅。無論點，都梗要Keep住個台型。
余絲韻