行經銅鑼灣時代廣場要小心啲，因為嗰度係戰場，已經唔只有旅客血拼，仲有中外網企基地大混戰。
京東（JD）與阿里巴巴（BABA）喺內地電商市場鬥得你死我活，京東揀時代廣場二座做香港新Office，同阿里喺時代廣場一座嘅Office打對台。係咁啱定特登呢可。
京東消費品事業部總裁馮軼笑言：「競爭對手的事不予置評」，又話京東「只會做好自己的事」。
喺嗰度打對台嘅，仲有環球市場上爭得難分難解嘅Apple與Google，Apple香港Office喺一座，Google就喺二座。同座會唔會易啲合作呢？話唔埋第時搞出「阿里+Apple」、「京東+Google」陣營呢？
余絲韻