個個飛轉南韓返嚟V咗面，都話只係整咗牙，連「新興市場之父」麥樸思上個月都飛去南韓睇牙醫！
佢真係去咗睇，不過係齋睇住啲牙醫展示最新無血植牙手術。麥樸思呢趟其實係去發掘投資項目。
佢講明睇好南韓創新中小企，唔吼巨企。有數得計，南韓中小企指數今年升咗27%，南韓大企業指數就跌咗3.3%，中小企跑贏成條街。
麥樸思唔係齋講，佢打理嘅鄧普頓亞洲小型公司基金，投資最多嘅地區就係南韓，佔成29.61%，重點係消費同埋醫療保健公司，隻基金嘅五年回報跑贏95%同行。
正經嘢講完，講啲再正經啲嘅，光頭神探若然配塊V面，絲絲齋諗都……
余絲韻