絲絲收到風，近期渣打想賣佢哋喺加爾各答市中心一座十九世紀建成嘅寫字樓。呢座建築物來頭一啲都唔嘢小，係二○○○年渣打收購ANZ Grindlays時繼承返嚟嘅，佔地8萬呎，由當地著名承包商Mackintosh Burn興建。
今次出售作價11億盧比（約1,670萬美元），渣打發言人仲話打算搬去成本再低啲嘅地方，似乎真係好急要瘦身救業績。畢竟市傳話佢哋需要配股，都傳咗好一陣。
獲670萬鎊「慰藉金」
呢頭慳家，嗰頭又豪掟價值670萬英鎊（約1,020萬美元）嘅股份賠償，去招攬溫拓思。事關佢放棄自己成立嘅對沖基金，做渣打舵手。呢筆「慰藉金」近乎印度物業作價六成。條數咁深嘅？
余絲韻