絲絲講場：上商新呔打通兩岸三地

上海商業銀行一班高層齊齊戴新呔同大家見面。行政總裁郭錫志就話條呔好有意思，係特登請台灣好知名嘅設計師設計。

講開，原來之前條呔用開藍色，但今年夏天就想搞吓新景象，改用橙色底，配埋紫色、黃色同藍色嘅圓形圖案，代表住香港、上海同台灣三合一喎。郭錫志仲話畀絲絲知，嚟緊冬天呔嘅底色會轉做灰色，希望散發出沉穩氣度喎。

余絲韻