本周全球焦點在中美兩國元首會面，其中一個關注點乃共同應對氣候變化，由中美企業共同投資成立建築節能基金項目。
據講美方參加企業包括華平投資集團，正是亞美能源（02686）的主要股東之一，會否帶挈亞美有份參與部分項目，不妨拭目以待。
此外，有關國企改革的消息不絕於耳，內地傳媒引述中管理層指，下一步集團大致按糧油、食品、地產、金融等類別，採取「合併同類項」的辦法，對旗下十一家上市企業進行拆分及整合。
雖然未有提到具體方面，都足以刺激旗下上市公司股價逆市做好，中糧（00606）升6%、中國食品（00506）及中糧包裝（00906）同升3.3%。
每次呢系炒重組，都係中糧同中食最好炒。不過，尋日中糧得1億元成交，中食仲奀，成交唔夠5,000萬元，顯見鑊氣已大不如前，所以筆者唔建議高追短炒，維持對中糧早前睇法，即季內跌浪落到去2.7元水平中長線有得諗，始終國改呢個概念唔係一朝一夕就可以見到成效，買得嚟坐就要做好長期作戰的心理準備，短炒則可免則免。
‧社科院藍皮書預計今年內地經濟增速6.9%。
‧國家旅遊局官員指，未來五年在線旅遊有望創造3萬億元人民幣紅利。
‧發改委指要穩妥推動國企混合所有制經濟，實現國企與市場經濟的更好融合。
司慕渢