絲絲講場：費達拿捧盃關加息事
美國聯儲局唔加息，費達拿就一日都唔使旨意捧到美國網球公開賽男單個冠軍盃？
唔係絲絲講，係美銀美林上個星期五喺啲Note度向啲客講，佢哋仲出埋圖表Show畀大家睇，見到費達拿由○四年起，年年都喺美網男單捧冠軍盃，但自從聯邦基金利率喺○九年減到低過一厘後，佢嘅六連霸神功破咗，跟住就邪足七年，一直同冠軍無緣。
美銀美林：要等2016
嗱嗱嗱，今年明明個個都話費達拿狀態大勇會翻生，點知，結果都係輸畀祖高域，呢場波正正就喺公布維持唔加息嘅前幾日。美銀美林嘅結論係，一六年先會加息。
咁神？絲絲唔知喎。話唔埋，連球迷都求神拜佛美國加息，以消除費達拿捧盃嘅不明朗因素……
余絲韻