東環幾賣清 83伙晒冷

美聯物業住宅部行政總裁布少明表示，雖然近期樓市受眾多不明朗因素影響，但昨日東環揀樓氣氛不俗，除了本地客外，亦不乏看好該區前景的外籍人士及內地客入市，可見剛性需求強勁。以該行為例，昨日用家佔65%，約35%為收租客。

他續說，美國未有加息，反映低息環境持續，對樓市屬正面，加上本港經濟基調良好，即使住宅供應增加，市場有能力承接，估計明年樓價仍平穩發展，大跌機會不大。

深圳居民張女士	鄭州來港定居的任先生	收租客凌太

環海沽7單位

據一手銷售資訊網資料，昨日開售的東環第1期19伙已全部上載售出。同時推售129伙的東環II，銷情亦理想，有128伙上載售出。發展商昨乘勢上載項目最後83伙價單應市，定價由404.4萬元起。另之前上載的6號價單未推售單位亦更新售價，其中9伙2房戶加價約1%。

另外，九建（00034）市務及銷售部總經理楊聰永指，紅磡環海‧東岸銷情持續熾熱，在已推售的610個單位中，累售96%，昨日單日售出7伙，而新一批加推單位將於今日正式收票。

點嚇都買樓 乜客都有齊

深圳客啃稅唔怕冧

深圳居民張女士：「同深圳比，香港單位細，樓價又高，仲要畀稅（BSD），來港買樓全為方便個女喺屯門讀書，所以諗住買東環三房戶自住。唔擔心樓價會大跌，事關純粹自住，剛性需求唔驚得咁多！」

鄭州客買樓當飲水

從鄭州來港定居的任先生：「香港樓價梗係貴，但要住無辦法，唔會因為有報告唱淡樓價而唔入市，好似今日買枝水要25蚊，明日枝水減價去20蚊，唔通唔飲水咩？有需要就要住o架啦！」

收租客懶理金管警告

收租客凌太：「睇好東涌前景，斥400餘萬元購入該盤1個一房戶收租。住屋需求強勁，唔相信樓價會跌三成。金管局話供應多番，都係佢講啫，其實好多樓起好未賣，佢有佢講，我有我做（買樓）囉！」

菲律賓客嗌貴但Full Pay

菲律賓籍收租客Nick：「對東涌前景有信心，所以Full Pay用1,000萬元買了東環兩個單位收租。雖然香港樓價貴，但容易轉手，收租好過放錢喺銀行收息，最重要係港元同美元掛鈎，長遠樓價一定升！」