絲絲講場：格力唔怕趕客開機就見董大姐
格力手機，一開機就見到佢老闆。真的，事關開機畫面係佢哋董事長董明珠。
出開冷氣機嘅格力早排話搞埋手機，已經夠驚奇；手機出咗，一開機就見到董大姐對住自己微笑，實在震撼，連網友都話「女人，你已經成功鎖定我眼神」。
無懼消費者反感
點解開機畫面要咁？點？解？董大姐最近接受內地雜誌訪問，佢解釋唔係要慳廣告費，佢講明話「是我要告訴消費者，我是格力手機創始人，這是尊重消費者。」多謝晒。
咁搞，唔驚人反感？佢話「誰反感？可能是我的競爭對手，消費者不會對我反感，格力的用戶不會對我反感。」哦。
余絲韻