老餅高層 保安例查
呢位西裝人就係Matt Jacobson。搞成咁，絕對係fb創辦人朱克伯格嘅錯，朱仔去到邊都着住佢套淨色衫加老牛，呢套已經係佢本人，甚至係fb嘅標誌，若然朱仔着起西裝，分分鐘冇人認得佢。偏偏呢位Jacobson就死都要着西裝，搞到保安都唔信佢係「自己友」，要佢出示訪客證，問句「你乜水？」。
Jacobson早喺○五年就加入fb大家庭，佢又同啲荷里活明星好熟，仲好鍾意Fashion，鍾意到喺雜誌寫專欄，大講西裝有幾好幾重要。
Jacobson都認自己喺公司入面格格不入，理由除咗西裝之外，仲有一樣，就係佢老。幾老？54歲。喺fb大家庭嚟講，好老好老喇。
余絲韻