絲絲講場：康泰太子6歲「開工」
富二代唔使做？你以為。何止要做，仲6歲就出嚟幫屋企手。邊位？就係康泰旅行社董事總經理黃進達（Jason）。
Jason子承父業，幾年前正式接手阿爸黃士心（康泰旅行社董事長）衣鉢，進入康泰管理層，但其實佢6歲已經出嚟幫屋企手，去機場幫手睇行李、點人數咁。不過呢位小打雜，同時亦有機會周遊列國，幾Enjoy。
黃士心去檳城做拿督
不過，自Jason理大畢業之後入咗康泰幫手，細佬妹各自發展又各有各忙，就冇再試過一家人齊齊去旅行，事關放假日子，佢哋得閒而Jason就最忙，Jason話好希望有機會一家人去到短Trip就好。
Jason跟阿爸黃士心做嘢咁耐，兩父子有冇拗撬先？佢笑笑口話梗係無，仲話雖然潮州人比較強勢，但係阿爸都會聽晒佢哋啲後生嘅意見先做決定。
咁阿爸退下火線後，有乜搞作？Jason話阿爸依家周圍去探索新路線，近期仲喺檳城做咗拿督添。黃阿爸退下火線，好似仲忙咗喎。
余絲韻