光大銀行喺香港未有零售銀行業務，所以大家唔係咁熟悉，但係話晒都係內地嘅大銀行之一，呢排人民幣利率市場咁大上大落，文哥都係要金睛火眼睇到實。
由規劃同策略發展轉返做資金管理，即係要回歸拆借市場「做刁」，文哥就話無唔慣，因為一直都知道市場發生緊咩事。文哥兩度出任恒生中國資金部主管，見慣大場面。
滙豐15專家研A股
講開又講，滙豐近排都有部門齊腳。佢哋舊年開始請人擴大A股研究團隊，依家正式「齊人成團」，總共有15個人駐香港研究A股，聽講有大部分係資深分析師，加盟時已經係聯席董事級。A股形勢咁飄忽，唔知佢哋點睇呢可。
余絲韻