中國八月製造業PMI跌穿榮枯線，雖然滬綜指昨日僅跌39點，但恒指三點半後開始倒水，現貨從21,450點水平插到落21,185點收市，跌485點，國指就跌287點，主板成交858億元，睇怕淡局已定！
昨日有兩件事值得關注：首先，金管局向銀行體系注資，顯示有錢流入本港，惟隨時是禍不是福，話唔定係外資大淡友準備子彈「做世界」；其次是昨日歐股開市德英法三大指數全部跌2%樓上，睇怕今日港股又變身提款機。講番即月期指日市收20,879點，跌585點，大幅低水306點，成交6.3萬張；國期收9,326點，低水128點。
策略上，港股今日低開機會極大，惟如果期指有機會跌到落20,300點水平，可小注博即市反彈，有三百點賺就食胡，穿兩萬大位走人，而國期一於繼續逢高沽。
John Mullen