絲絲講場：新秀麗：內地客唔再豪
內地客愛買喼，佢哋消費習慣變晒，新秀麗（01910）CEO Ramesh Tainwala就好清楚。Tainwala話，以前睇住啲內地豪客帶住嚿錢，一入嚟舖頭就問「你們最貴最好的東西在哪？」，唔使睇價錢咁。不過，近年啲內地客買嘢會質疑產品嘅品質，仲用好多時間Check到件貨真一真，為求用一定價錢攞更多。
好想打入置地廣場
本港零售市道今時唔同往日，有名牌唔想頂落去，舖頭執都執唔切，但新秀麗反而好想打入名店林立嘅置地廣場，Tainwala仲爆話已經敲咗好多年門。唔知道門開咗未？
有樣絲絲更加想知，就係新秀麗同三星研發嘅智能喼，咩進展呢可？新秀麗主席Timothy Parker話，目前仲有好多嘢搞緊，不過未來六個月可能會有嘢公布。咁，即是要吊多半年癮！
余絲韻