前日美股狂瀉，阿里巴巴亦跌穿68美元招股價，比起佢哋舊年十一月120美元嘅高位，跌咗近五成。阿里巴巴CEO張勇尋日即刻向一眾阿里員工發公開信，叫各位阿里人「忘掉股價」，話阿里嘅價值「體現在對理想的追求」。好高。
張勇叫各位員工要將眼光由股市放番落客戶身上，叫大家記實客戶先係佢哋嘅衣食父母。呢樣，絲絲明。
不過，講講吓佢話「有的時候，堅持是很孤獨的」，吓？堅持乜嘢？孤獨？唔覺喎，前日大把股份一齊跌。張勇跟住仲話阿里打嘅係「102年的戰爭」，102年？
最後，張勇仲叫大家「莫為浮雲遮望眼」。去到呢度，絲絲確實睇到一舊雲，亦同時想起另一舊「馬雲」。絲絲咁膚淺，注定做唔到阿里人。
余絲韻